Náttúrustofa Vesturlands

Náttúrustofa Vesturlands hefur komið að starfsemi umhverfisvottunarverkefnis Snæfellsness frá upphafi; starfsfólk Náttúrustofunnar sat í Framkvæmdaráði Snæfellsness sem fór fyrir verkefninu og átti þátt í að þróa stefnu og framkvæmdaáætlun sveitarfélaganna. Frá árinu 2005 hefur starfsmaður Náttúrustofunnar unnið með sveitarfélögunum að verkefninu í hlutastarfi. 

Byggðasamlag Snæfellinga

Byggðasamlags Snæfellinga er samstarfsvettvangur sveitarfélaganna á Snæfellsnesi, þ.e. Eyja- og Miklaholtshrepps, Grundarfjarðarbæjar, Snæfellsbæjar og Sveitarfélagsins Stykkishólms. Markmið samlagsins er að vinna saman að sjálfbærri þróun á svæðinu, bæði hvað varðar umhverfi, menningu, samfélag og efnahag.

Græna teymið

Græna teymið styður við framvindu umhverfisvottunarverkefnisins á Snæfellsnesi og tengir það við íbúa sveitarfélaganna. Teymið veitir verkefnastjóra stuðning, tekur þátt í hugmyndavinnu og miðlar sjónarmiðum samfélagsins inn í verkefnið.Græna teymið styður við framvindu umhverfisvottunarverkefnisins á Snæfellsnesi og tengir það við íbúa sveitarfélaganna. Teymið veitir verkefnastjóra stuðning, tekur þátt í hugmyndavinnu og miðlar sjónarmiðum samfélagsins inn í verkefnið.

Svæðisgarðurinn Snæfellsnes

Svæðisgarðurinn Snæfellsnes er samstarf sveitarfélaga, fyrirtækja og félagasamtaka sem byggir á sameiginlegri sýn um sérstöðu svæðisins. Markmiðið er að vernda náttúru og menningararf, nýta sérstöðuna á ábyrgan hátt og styrkja atvinnu- og samfélagsþróun í sátt við umhverfið. Samstarf svæðisgarðsins og umhverfisvottunarverkefnisins er náið þar sem mikil samlegð er á milli verkefna og sameiginleg markmið um sjálfbærni.

EarthCheck

EarthCheck er alþjóðlegt vottunarsamtök sem stuðlar að sjálfbærri þróun áfangastaða og starfsemi í ferðaþjónustu. Þau hjálpa samfélögum og fyrirtækjum að draga úr umhverfisáhrifum, bæta samfélagslega ábyrgð og tryggja langtíma sjálfbærni. Með vottun EarthCheck geta áfangastaðir, eins og Snæfellsnes, sýnt fram á sjálfbærni, verndað náttúru og menningararf, og veitt ferðamönnum betri upplifun á ábyrgan hátt.

Ferðaþjónusta

Snæfellsnes er einstakur áfangastaður sem býður upp á fjölbreytta upplifun allt árið um kring. Hér starfa fjölmörg fyrirtæki í veitingum, gistingu og afþreyingu, auk þess sem náttúruperlur og menningarminjar setja svip á svæðið. Sveitarfélögin og aðrir hagsmunaaðilar vinna saman að því að vernda náttúru og menningu, þannig að ferðaþjónustan skili ávinningi fyrir samfélagið og gestir fái eftirminnilega upplifun.